Ik bin yn 1983 lid wurden fan de RPF. Yn 1998 bin ik foar dy partij yn de gemeenteried fan Gaasterlân-Sleat kommen. In jier letter is de namme feroare yn ChristenUnie, doe't wy gearfoege waarden mei it GPV. Ik waard yn 2001 wethâlder yn Gaasterlân-Sleat en bin dat bleaun oan't april 2006.

De portefeuille dy't ik yn de steaten ha is tige breed. Ik ha lykwols it foardiel dat in tal saken dêrút ek yn myn wethâldersportefeuille sieten. Dêrtroch is alles net folslein frjemd foar my.

Ik haw destiids foar de RPF en letter foar de ChristenUnie keazen om't ik my as kristen it bêste fine kin yn de útgongspunten fan dizze party. Mei nammen de soarch foar de minder bedielden en it opkommen foar de skepping en de natuer sprekt my tige oan. Ik wol graach myn kristenwêzen ek útstriele yn myn politike hâlden en dragen. Dat betsjut net dat ik oaren myn miening en sjenswize oplizze wol, mar wol dat ik fan betinken bin dat kristen wêze net ophâld by it tichtlûken fan de hûsdoar, mar ynfloed hat op alles wat jo dogge yn de maatskippij.