MOASJE FRJEMD OAN DE OARDER FAN DE DEI, ex artikel 29 Reglement van orde

De Steaten, yn gearkomste byelkoar op 19 desimber 2012

konstatearjende dat

- Steatssekretaris Teeven fan Feiligens en Justysje plannen ûntwikkelt ta in grutte reoarganisaasje fan it finzeniswêzen;

- dat yn dizze plannen stiet dat de penitentiêre ynrjochtings konsintreart wurde sille yn de Rânestêd en ferdwine sille út de noardelike provinsjes;

- dat dit betsjut dat in oantal penitentiêre ynrjochtings yn de noardelike provinsjes sletten wurde sille.

oerwaagjende dat

- yn Noard-Nederlân de wurkeleazens oanmerklik heger is dan yn it oare part fan Nederlân;

- rûm 1250 minsken oan it wurk binne by - en in grut tal oaren yndirekt wurk ha troch boppeneamde ynrjochtings;

- dizze penitentiêre ynrjochtings dêrom fan tige grut belang binne foar de wurkgelegenheid yn Noard-Nederlân

Roppe de Steatssekretaris fan Feiligens en Justysje mei klam op

- yn syn plannen it tige grutte belang fan de penitentiêre ynrjochtings yn de noardelike provinsjes foar de wurkgelegenheid fan Noard-Nederlân ta te jaan;

- te besluten de penitentiêre ynrjochtings yn Noard-Nederlân en de dêrby hearrende wurkgelegenheid yn stân te hâlden;

en fersykje it kolleezje fan Deputearre Steaten fan Fryslân de Steassekretaris dizze oprop en de ynhâld fan dizze moasje ta komme te litten.

en geane oer ta de oarder fan de dei

Yntsjinner(s)

(fraksje / namme / hantekening)

 ChristenUnie, Anja Haga

 SP, Jos van der Horst

 Grienlinks, Retze v.d. Honing

 D66, Klaas Hettinga

 CDA, Henk van der Veen

 PVV, Pieter Buisman

 PVDA, Jornt Ozenga

 VVD, Klaas Kielstra

 FNP, Sybren Posthumus

 Friese Koers, Jelle Hiemstra